قاعد بسمع برنامج في التليفزيون اذ بالمذيعة بتقول هنتكم عن أريون مان الحقيقي؟ قعدت مستغرب شوية! هو مش أريون مان هو موجود في مارفل ! مش دية شخصية خيالية؟
قعدت اطرح اسئلة كتير عن الجملة دية …. وبعد تفكير قررت اسمع المذيعة دية بتقول ايه وبالفعل قعدت وسمعت وهقولكوا سمعت ايه بقي
أريون مان الحقيقي هو ايلون ماسك
ايلون ماسك هو في الاصل من جنوب افريقيا ..وهو صغير كان طفل غير عادي اتعلم برامج الكمبيوتر بنفسه بدون تعليم حد …وكان لسه لم يصل سن الـ 12 سنة ولما وصل لسن ال 17 سنة عشان يكمل تعليمه في جامعة كوينز …بس هو لم يكن طموحه ان يكمل تعليمه ويأخذ شهادة وخلاص …بالعكس ده كنا بيحب مجال ريادة الاعمال ..فعشان كده انتقل لجامعة بنسلفانيا وفعلا خد شهادة علوم الاقتصاد من مدرسة وارتون
ماسك كان بيحضر رسالة دكتوراه في مجال الفيزياء التطبيقية بس لم يستمر عشان كان مهتم بريادة الاعمال.
وانا قاعد بسمع كلامها كده فكرت قولت معقولة شاب عنده 24 سنة يكون عمل ده كله يكون وصل لدرجة ان هو معاه 3شهادات وبيحب ريادة الاعمال …واذهلت باللي هو عمله وقعدت أفكر.. طيب هو ازاي حقق ده كله ازاي وصل ان لقب شهرته أريون مان الحقيقي …. ولما ركزت عرفت من المذيعة الي مش قادر اصدقة ….
المذيعة: ايلون ماسك كان في الاصل فقير بدليل ان هو علم نفسه بنفسه والدليل الاكبر ان هو اصلا مولود في جنوب افريقيا.
بعد ما سمعت الجملة دية قولت يعني كل ده ومدي الثروة دية من البحث عن المال…
المذيعة: بعكس كل الاغنياء في العالم ايلون ماسك منكش يبحث على المال!
ده حتي في مقابلة ليه علي ال CBC قال للمذيع” ان هو ميعرفش مدي ثروته “انا الي اعرفه ان ليا اسهم في شركة تسلا و SpaceX والسوق هو الي بيحدد سعرهم مش انا “
وطلع سر نجاح ايلون ماسك هو المجازفة والاستمتاع…!!!!؟
قعدت في دهشة وحيرة ازاي.. يعني هو عمل كل ده عن طريق الاستمتاع …!!!!
هي المذيعة دية فاهمة بتقول ايه.. فعلا بالاستمتاع
وبالفعل ايلون ماسك كان بتباهي ان هو يعمل 120 ساعة كل اسبوع عشان يضمن مدي قوة شركة تسلا والدليل ان هو كان معارض وبشدة الاجراءات الواضحة في فيروس كورونا.. ووصفه ان هو سجن قسري.
انا سمعت الكلام وقولت اكيد المذيعة دية بتقول أي كلام وخلاص ومش فاهمة …ولما جيت ادو على مين هو ايلون ماسك عرفت بالفعل ان فعلا كلامها صح
بس انا عايز اعرف عنه اكتر وعايز اشوف تصريحاته ومقابلاته واعرف اكتر عن ايرون مان الحقيقي ومدي تأثيره على البشرية.
دورت على اي صحفي عمل معه حوار وافتكرت كلام المذيعة وهي بتقول ان كان ليه مع “جاستن رولات” فدورت عليه وسمعته كان ما يقارب على الساعة.
بس الاهم من ده كله أنى لاقيت ان هو في الساعة دية هو اتكلم عن اسباب نجاحه يعني طول الساعة ديه بيتكلم عن اسباب نجاحه قعدت وكانت بالفعل احسن ساعة سمعتها في حياتي وسمعت ده …
شغف ايلون ماسك!!
ايلون ماسك كان شايف ان النجاح بالنسب له هو قاعدة المريخ وقال هي دية مفتاح النجاح بالنسبة ليا وقال “أنت تريد أن تتحسن الأمور في المستقبل.. تريد هذه الأشياء الجديدة والمثيرة التي تجعل الحياة أفضل”.
وبعد الكلمات دية فهمت ان ايلون ماسك منكش انسان عادي كان شايف ان لو عايز تنجح بجد فعليك بتغيير العالم.. فهو كده فعلا عايز يغير العالم عشان كده كان عايز ينشئ قاعدة المريخ وقال ان الانسان في يوم من الايام مش يقدر يعيش في كوكب الارض ….
فضلت مذهول من كلامه …ودار في ذهني اسئلة كتير اولها.. هو انا أقدر فعلا اعمل زيه؟
طيب هو انا أقدر اغير العالم؟
طيب انا أقدر أخلى العالم كله يتكلم عني زي ما بيتكلم عنه؟
وبعد تفكير طويل قولت مش مهم ابقي زيه المهم أنى يبقي ليا بصمة في البشرية ايجابية …
بس الامر الي متأكد منه ان هو أيرون مان الحقيقي فعلا.
وفي الاخر أحب أقول ان كل شخص له ما له وعليه ما عليه وفي القصة اليوم انا طرحت الجانب الايجابي منه لم اطرح اي شئ عن اخطائة
